რა არის ბოტოქსი?

ბოტოქსი, ეს არის ბოტულინოტოქსინი ტიპი A, რომელიც მიიღება ანაერობული ბაქტერია Clostridium-ისგან. იგი მედიცინაში ფართოდ გამოიყენება 1960 წლიდან. თავდაპირველად მას იყენებდნენ ოფთალმოლოგიანში და ნევროპათოლოგიაში. ბოტოქსის სამშობლოდ ითვლება ამერიკა. სიტყვა ბოტოქსი არ ნიშნავს თვითონ პროცედურას, ეს არის ერთ-ერთი პრეპარატი ბოტულინო თერაპიის.

პროცედურის დროს ხდება პრეპარატის შეყვანა კანში ინექციის გზით. ტოქსინი მოქმედებს ნერვ-კუნთოვან გადაცემაზე, რაც იწვევს კუნთების დროებით მოდუნებას(დამბლას), თუმცა სისხლის მიმოქცევა უცვლელი რჩება, კუნთების ქსოვილი არ განიცდის რაიმე სახის ცვლილებას. ტოქსინის შეყვანის  შედეგად კუნთი ვეღარ იკუმშება აქტიურად, რაც ხელს უწყობს მიმიკური ნაოჭების კორექციას და ხელს უშლის ახალი ნაოჭის წარმოქმნას. ბოტულინო თერაპია დროებითია, რაც მოითხოვს განმეორებით პროცედურას 4-6 თვეში ერთხელ.

ბოტოქსის პროცედურის ჩვენებები:

  • შუბლზე გამოხატული ჰორიზონტალური ნაოჭები;
  • წარბებს შორის ნაოჭი(ე.წ. „მრისხანების ნაოჭი“);
  • თვალის ირგვლივი ნაოჭი(ე.წ. „ბატის თათები“);
  • ყელის ჰორიზონტალური და ვერტიკალური ნაოჭი.

ბოტოქსის პროცედურის უკუჩვენებები:

  • ორსულობა და ლაქტაცია;
  • ალერგიული რეაქციები მასში შემავალი კომპონენტის მიმართს მიმართ;
  • ჰიპოტენზია;
  • მწვავე ინფექციები;
  • ქრონიკული დაავადებების აქტიური ეტაპი;
  • სისხლის და ენდოკრინული სისტემის დაავადებები,
  • თვალის ზოგიერთი პათოლოგია, მაგალითად, გლაუკომა, კატარაქტა, ასტიგმატიზმი, მიოპია
  • რესპირატორული სისტემის პათოლოგიები, როგორიცაა ბრონქული ასთმა, ფილტვის ტუბერკულოზი და ა.შ.

ძირითადი რეკომენდაციები მოიცავს რამდენიმე "არა" -ს:

  • ალკოჰოლის მიღება 2-3 დღე;
  • გარკვეული ჯგუფის ანტიბიოტიკების, ასპირინის გამოყენება;
  • სოლარიუმი;
  • პროცედურიდან რამდენიმე დღე კოსმეტიკური საშვალებების გამოყენება არაა რეკომენდირებულია;
  • ფიზიკური დატვირთვა;
  • ინექციიდან 3 საათის განმავლობაში ჰორიზონტალურ მდგომარეობაში ყოფნა;
  • საუნა.

პროცედურის დასრულების შემდეგ  პაციენტებს შეუძლიათ  შეუდგნენ ჩვეულ სამუშაო რიტმს. პროცედურის დასრულებიდან რამდენიმე საათის განმავლობაში, პაციენტს შეიძლება აღენიშნებოდეს მცირედი თავბრუსხვევა და თავის ტკივილი, როგორც წესი, ასეთი რეაქციები არის ნორმა, როგორც რეაქცია წამლის მიღებაზე და გადის რამდენიმე საათში.

Поделиться в facebook
გააზიარე
Пролистать наверх